Suriyanın şərqində yerləşən Deyr əz-Zor vilayətində qaz kəmərində güclü yanğın baş verib.

"Report" xəbər verir ki, bu barədə Syria TV məlumat yayıb.

Yanğın Deyr əz-Zor şəhərinin cənubundakı yaşayış məntəqələrindən birinin yaxınlığında qaz kəmərinin bir hissəsində baş verib. Ərazidə güclü yanma müşahidə olunur və alov uzaq məsafədən görünür.

Yanğının intensivliyi səbəbindən xilasedicilər hələlik alovu söndürə bilməyiblər. Alovun qarşısını almaq üçün ilk növbədə kəmər vasitəsilə qazın verilişinin dayandırılmasının tələb oluna biləcəyi bildirilir.

Hadisə nəticəsində xəsarət alanlarla bağlı məlumat yoxdur. Yanğının səbəbi, qaz kəmərinə dəyən ziyanın miqyası və hadisənin qaz təchizatına mümkün təsiri hələ müəyyən edilməyib. Xəbər hazırlanarkən Suriyanın rəsmi qurumları hadisə ilə bağlı açıqlama verməyib.

Deyr əz-Zor vilayətində Suriyanın iri neft-qaz yataqları və enerji infrastrukturu obyektləri yerləşir. Regiondakı infrastrukturun əhəmiyyətli hissəsi silahlı münaqişə illərində zərər görüb. Son dövrlərdə Suriya hakimiyyəti bir sıra yataqların, boru kəmərlərinin və digər enerji obyektlərinin bərpası istiqamətində işlər aparır.

Oxşar xəbərlər

Turistləri heyran qoyan DİYAR: Alov, neft və palçığın qovuşduğu məkandan FOTOREPORTAJ

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Bakı Enerji Həftəsinin rəsmi açılış mərasimində iştirak edib

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib