Hazırkı enerji böhranı birbaşa müharibələrlə deyil, enerji təhlükəsizliyi məsələlərinə kifayət qədər diqqət yetirilməməsi ilə bağlıdır.

"Report" xəbər verir ki, bunu "Naval Postgraduate School"un (ABŞ) professoru, Amerika Siyasi Elmlər Assosiasiyasının üzvü Brenda Şaffer Bakıda keçirilən "CAMCA 2026" Regional Forumunda bildirib.

Onun sözlərinə görə, enerji daşıyıcılarının qiymət artımını yalnız müharibələrlə əlaqələndirmək yanlış olardı: "Hazırkı enerji böhranının səbəbi odur ki, biz bazarlarımızı enerji təhlükəsizliyinin təmin olunmasına hazırlamamışıq. Biz buna lazımi diqqət yetirməyi dayandırmışıq".

B.Şaffer qeyd edib ki, 2010-cu illərdə Afrikada, o cümlədən Şərqi Afrikada əhəmiyyətli neft və qaz ehtiyatları aşkar edilib. Onun fikrincə bu ehtiyatlar Yaxın Şərqdən olan tədarükün mühüm bir hissəsini əvəz edə bilərdi.

Professorun sözlərinə görə, müharibələrin və müxtəlif böhranların qarşısını tamamilə almaq qeyri-mümkündür, lakin enerji həssaslığını azaltmaq olardı: "Müharibələr hər zaman olacaq, hər hansısa böhranlar baş verəcək. Bunun qarşısını almaq qeyri-mümkündür. Lakin qarşısını almaq mümkün olan məsələ enerji həssaslığı idi".

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN