İqlim dəyişiklikləri Cənubi Qafqaz ölkələrində hər il təxminən 100 milyon ABŞ dollarından çox itkiyə səbəb olur.

“Far.Az” xəbər verir ki, bunu Dünya Bankının Cənubi Qafqaz üzrə regional direktoru Rolande Prays COP29 çərçivəsində keçirilən “Cənubi Qafqaz və Mərkəzi Asiyada iqlim maliyyəsinin mənzərəsi” adlı tədbirdə bildirib.

“Dekarbonizasiya bu ölkələrdə üç əsas sahədə çətinliklərlə üzləşir. Bərpa olunan enerji imkanları tam istifadə edilmir, nəqliyyat və isitmədə isə ənənəvi enerji mənbələrinə üstünlük verilir. Bu isə iqlim dəyişikliyi ilə mübarizədə əngəl yaradır. Dünya Bankı olaraq biz iqtisadiyyatın diversifikasiyasını və dözümlülüyünü təşviq edirik və hava çirklənməsinin azalmasının faydalarını vurğulamağa çalışırıq. Bu, ölkələrin həm iqtisadi maraqlarına, həm də sağlam gələcəyinə xidmət edir”, - deyə o qeyd edib.

R.Prays əlavə edib ki, regionda iqlim dəyişikliyi ilə bağlı iki əsas problem mövcuddur: bacarıq çatışmazlığı və iqlim maliyyəsinə çıxışın məhdud olması.

“Xüsusilə kiçik bələdiyyələr bu layihələr üçün maliyyə resursları tapmaqda çətinlik çəkir. Eyni zamanda, bu proqramların hazırlanması üçün kifayət qədər mütəxəssis yoxdur. Maliyyələşməni artırmaq üçün qrant resurslarının ayrılması vacibdir, xüsusilə də büdcəsi məhdud olan hökumətlərin layihələrini həyata keçirməsi üçün”, - deyə Dünya Bankının regional direktoru vurğulayıb.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

İqtisadi inkişafda davamlı artan rəqabətli iqtisadiyyatın rolu - ANALİZ

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2