"SpaceX" şirkətinin rəhbəri İlon Mask kainatda yadplanetli sivilizasiyaların mövcudluğunu göstərən hər hansı əlamətin indiyədək aşkarlanmamasından narahatlığını ifadə edib.

Far.Az xəbər verir ki, milyarder bu barədə "X" sosial şəbəkəsindəki hesabında paylaşım edib.

"Yadplanetlilərin mövcudluğuna dair hələ də heç bir əlamət görməməyimiz məni çox narahat edir", – deyə Mask bildirib.

Qeyd edək ki, o, bu ilin əvvəlində ulduz sistemlərinin tədqiqi zamanı bəşəriyyətin yadplanetlilər və yerdənkənar sivilizasiyalarla qarşılaşa biləcəyini söyləmişdi. Bununla belə, Mask üç il əvvəl kainatda başqa sivilizasiyaların mövcudluğunu inkar edirdi.

Digər tərəfdən, ABŞ-da may ayından etibarən naməlum uçan obyektlərlə bağlı sənədlər ictimaiyyətə açıqlanır. Həmin materiallarda bu hadisələr naməlum anomal hadisələr kimi təsnif edilir.

Oktyabrın sonunda yayımlanan son sənədlər arasında ABŞ-ın Rosvell hərbi bazasının keçmiş zabiti Uolter Hautun ehtimal olunan kosmik gəmi qəzası və hadisə yerində yadplanetlilərin cəsədlərinin tapılması barədə danışdıqları da yer alıb.

Xatırladaq ki, İlon Mask daha əvvəl Ayda və Marsda yaşayış şəhərləri salmağı planlaşdırdığını açıqlamışdı.

Oxşar xəbərlər

Leyla Əliyeva Əddis-Əbəbədə bir sıra sosial və mədəni obyektlərlə tanış olub

Polis Günündə də post başında – Bakının küçələrindən diqqətçəkən FOTOLAR

Lökbatandakı yanğına helikopterlər indiyədək 200 ton su töküb - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2