2025-ci ildə Ağdam rayonunda 1 milyard 2 milyon 670,3 min manat dəyərində sənaye məhsulu (işlər, xidmətlər) istehsal edilib.

"Report"un Dövlət Statistika Komitəsinin məlumatları əsasında apardığı hesablamalarına əsasən, bu, 2024-cü ilə nisbətən 17,4 dəfə çoxdur.

Bunun 973 milyon 26,5 min manatı (29,4 dəfə çox) emal sənayesinin, 20 milyon 545,5 min manatı (15,6 % çox) elektrik enerjisi, qaz və buxar istehsalı, bölüşdürülməsi və təchizatının, 7 milyon 571,7 min manatı (66,3 % çox) mədənçıxarma sənayesinin, 1 milyon 526,6 min manatı (29 % az) su təchizatı, tullantıların təmizlənməsi və emalının payına düşüb.

Hesabat dövründə rayon ərazisində 13 milyard 474,2 milyon ədəd siqaret (istehsal olmayıb), 75 ədəd üstü geyim (olmayıb), 240,7 min cüt ayaqqabı (2,2 dəfə çox), 169,2 min ton beton (27,8 % az), 2 min 790 ədəd döşək (8 dəfə çox) istehsal edilib.

2025-ci ildə Qarabağ iqtisadi rayonunda (Ağcabədi, Ağdam, Ağdərə, Bərdə, Füzuli, Xocalı, Xocavənd, Şuşa, Tərtər rayonları, Xankəndi şəhəri) cəmi 1 milyard 328 milyon 598,1 min manatlıq (4,2 dəfə çox) sənaye məhsulu istehsal edilib.

Oxşar xəbərlər

İlham Əliyev Ağdamda 2-ci yaşayış kompleksinin açılışında iştirak edib

İlham Əliyevin sədrliyi ilə dağ-mədən və metallurgiya sənayesinin inkişafına dair müşavirə keçirilib

Azərbaycanın yeni sənaye modelinin konturları - TƏHLİL

İlham Əliyev Pirallahı Sənaye Parkında dərman istehsalı müəssisəsinin açılışında iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3