"Türk dünyası dialoqları: ortaq gələcək, ortaq baxış" mövzusunda panel müzakirələrinin beşincisi oktyabrın 12-də Şimali Kiprin paytaxtı Lefkoşada keçiriləcək.

"Far.Az" xəbər verir ki, bu barədə Türkiyə Prezident Administrasiyasının Kommunikasiya İdarəsi məlumat yayıb.

Bildirilib ki, beşinci dəfə təşkil olunacaq müzakirələrdə təhsil, iqtisadiyyat, nəqliyyat, energetika, elm və texnologiya, müdafiə sənayesi, media və mədəniyyət sahələrində mövcud əməkdaşlıq imkanları dəyərləndiriləcək.

Panelin əsas məqsədləri sırasında Türk Dövlətləri Təşkilatının (TDT) regional və qlobal miqyasda görünürlüyünün artırılması, Türk dünyasının ortaq baxışının müxtəlif ictimaiyyətlərə çatdırılması, eləcə də ölkələr arasında akademik, mədəni və sosial əlaqələrin gücləndirilməsi yer alır.

Müzakirələr daha əvvəl Astana (Qazaxıstan), Bakı (Azərbaycan), Daşkənd (Özbəkistan) və Bişkekdə (Qırğızıstan) keçirilib.

Oxşar xəbərlər

Bişkekdə TDT ölkələri hökumət başçılarının iclası olub, Birgə Bəyanat qəbul edilib

Vətən müharibəsində Qələbənin beşinci ildönümünə həsr olunmuş Hərbi parad keçirilib

İlham Əliyev Türküstanda TDT-nin qeyri-rəsmi Zirvə görüşündə iştirak edib

Mehriban Əliyeva Bişkekdə dekorativ-tətbiqi sənət ustalarının əl işlərindən ibarət sərgi ilə tanış olub

WUF13-ün beşinci günündən maraqlı anlar - FOTOREPORTAJ