Lənkəranda doludan sonra güclü külək və yağış yağıb. Sakinlərə xeyli ziyan dəyib.

BAKU.WS APA-ya istinadən xəbər verir ki, bu gün səhər saat 9 radələrindən başlayaraq Lənkəran rayonunun kəndlərinə dolu yağıb. Təxminən 4-5 dəqiqə davam edən dolu əsasən Separadi, Tükəvilə, Zövlə, Şağlaser, Boladi kəndləri, Nərimanabad qəsəbəsi və Liman şəhərində müşahidə olunub.

Doludan sonra əraziyə intensiv yağış yağıb, güclü külək əsib.

Güclü külək əsasən rayonun Zövlə kəndinə xeyli ziyan vurub. 15 yaxın irigövdəli ağaclar aşaraq yola düşüb. Yol 1 saata yaxın bağlı qalıb. Əraziyə gətirilən ağır texnikaların köməyi ilə ağaclar yoldan götürülüb və hərəkət bərpa olunub. Aşan ağaclar eləcə də kəndin elektrik təsərrüfatına, internet və qaz xətlərinə də ziyan vurub. Hazırda kənd işıqsız qalıb.

Qeyd edək ki, rayonda yağış dayanıb. Günəşli hava müşahidə olunur.

Qalereya

*** 10:28

Lənkəran rayonunda bu gün səhər saatlarından etibarən qeyri-sabit hava şəraiti müşahidə olunur. Bir sıra yaşayış məntəqələrinə dolu düşüb, ardınca intensiv yağış yağıb.

BAKU.WS AZƏRTAC-a istinadla xəbər verir ki, saat 9 radələrindən başlayaraq Separadi, Tükəvilə, Zövlə, Şağlaser və Boladi kəndlərində, eləcə də Liman şəhərində dolu müşahidə olunub.

Təxminən 4-5 dəqiqə davam edən doludan sonra ərazilərə intensiv yağış yağıb, bəzi yerlərdə ağaclar aşıb.

Hazırda bölgədə yağışlı və küləkli hava şəraiti davam edir. Dəymiş mümkün ziyanla bağlı əlavə məlumat verilməyib.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Leyla Əliyeva, Arzu Əliyeva və Alena Əliyeva Lənkəranda ekoloji aksiyalarda iştirak ediblər

Güclü külək Mingəçevirdə fəsadlar törədib, bir neçə ağac aşıb

Xocalının beş kəndinə köçən sakinlərə evlərinin açarları təqdim olunub

Ülvi Mehdiyev Baku TV-yə müsahibə verib