Payız aylarında dünyanın müxtəlif şəhərləri turistlərin diqqətini cəlb edir. Asiya və Avropanın bir sıra şəhərləri beynəlxalq ziyarətçilərin sayına görə ön sıralarda yer alır.

BAKU.WS xəbər verir ki, 2025-ci il üzrə beynəlxalq turist gəlişlərinə dair statistikaya əsasən, Banqkok dünyanın ən çox ziyarət edilən şəhərləri arasında ilk sırada qərarlaşıb. Şəhər il ərzində 30,3 milyon beynəlxalq turist qəbul edib.

Xarici turistlərin ən çox üz tutduğu şəhərlərin ilk onluğu belədir:

1. Banqkok, Tailand - 30,3 milyon turist

2. Honq Konq - 23,2 milyon

3. London, Böyük Britaniya - 22,7 milyon

4. Makao - 20,4 milyon

5. İstanbul, Türkiyə - 19,7 milyon

6. Dubay, Birləşmiş Ərəb Əmirlikləri - 19,5 milyon

7. Məkkə, Səudiyyə Ərəbistanı - 18,7 milyon

8. Antalya, Türkiyə - 18,6 milyon

9. Paris, Fransa - 18,3 milyon

10. Kuala Lumpur, Malayziya - 17,3 milyon.

Payız mövsümündə Avropa şəhərləri də səyahət həvəskarlarının maraq dairəsindədir. Vyana, Budapeşt və Afina tarixi abidələri, mədəni tədbirləri və mülayim hava şəraiti ilə seçilir. Bu şəhərlər turistlərə izdihamlı yay mövsümündən sonra daha rahat səyahət etmək imkanı yaradır.

Qeyd edək ki, sadalanan rəqəmlər 2025-ci il üzrə ümumi beynəlxalq turist gəlişlərini əhatə edir və yalnız payız aylarına aid deyil.

Oxşar xəbərlər

Ramana Qəsri yenidən qapılarını ziyarətçilərin üzünə açdı

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Prezident Ərəb Koordinasiya Qrupuna üzv qurumların rəhbər şəxslərini qəbul edib

Din xadimləri Qarabağ və Şərqi Zəngəzurdakı tarixi-dini abidələri ziyarət ediblər

Leyla Əliyeva Mingəçevirdə şəhid ailəsini ziyarət edib, bir sıra sosial müəssisələrlə tanış olub