Belçikada həmkarlar ittifaqları federal hökumət tərəfindən gözlənilən büdcə ixtisarına etiraz əlaməti olaraq 9 və 12 oktyabr tarixlərində iki ayrı aksiya keçirəcək.

"Report" xəbər verir ki, bu barədə Belçika mediası məlumat yayıb.

Bildirilib ki, FGTB-ABVV həmkarlar ittifaqı Mərkəzi vağzaldan başlayacaq və Brüssel-Midi vağzalına istiqamətlənəcək yürüş təşkil edəcək. Bununla əlaqədar hava və dəmir yolu nəqliyyatının işində, habelə bir sıra ictimai xidmətlərin göstərilməsində fasilələrin olacağı gözlənilir.

Brüssel hava limanında 140-a yaxın reys ləğv ediləcək. Belçikanın Şarlerua şəhərində yerləşən ikinci ən böyük hava limanı planlaşdırılmış bütün reysləri yerinə yetirməyi planlaşdırır.

Cümə günü Brüsseldə keçiriləcək nümayişin minlərlə iştirakçı toplayacağı gözlənilir. Polis və həmkarlar ittifaqlarının hesablamalarına görə, müvafiq olaraq, may ayında oxşar etiraz aksiyası 40 mindən 75 minə qədər insan toplamışdı.

Oxşar xəbərlər

Azərbaycan Həmkarlar İttifaqları Konfederasiyasının Novruz və Ramazanla bağlı bayram tədbirləri

Azərbaycan Həmkarlar İttifaqları Konfederasiyasının təşkilatçılığı ilə keçirilən minifutbol turniri başa çatıb

Qırğızıstan həmkarlar ittifaqlarının nümayəndələri Azərbaycan təcrübəsini öyrənmək üçün AHİK-də olublar

Azərbaycan Həmkarlar İttifaqları Konfederasiyasında Zəfər Gününə həsr olunmuş tədbir keçirilib

Azərbaycan Həmkarlar İttifaqları Konfederasiyasının yaradılmasının 33 illiyi qeyd olunub