Səudiyyə Ərəbistanının xarici işlər naziri Feysəl bin Fərhan Al Səud və İranın xarici işlər naziri Abbas Əraqçi arasında telefon danışığı olub.

"Report" xəbər verir ki, bu barədə Səudiyyə Ərəbistanının Xarici İşlər Nazirliyinin məlumatında bildirilib.

Tərəflər söhbət zamanı regionda son vaxtlar baş verən gərginliyi və bu vəziyyətlə bağlı görülən tədbirləri müzakirə ediblər.

Nazirlikdən bildirilib ki, telefon danışığı İran tərəfinin təşəbbüsü ilə baş tutub.

Abbas Əraqçi isə özünün "Telegram" kanalında söhbət zamanı regionda gərginliyin artmasından narahatlığını ifadə etdiyini qeyd edib.

Onun sözlərinə görə, hərbi üsullara üstünlük verilməsi və siyasi həll yollarına məhəl qoyulmaması mövcud vəziyyəti daha da ağırlaşdıracaq. Əraqçi əlavə edib ki, İran böhranın siyasi həllinə nail olmaq məqsədilə Səudiyyə Ərəbistanı ilə Yəmən arasında dialoqun qurulmasına kömək etməyə hazırdır.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

İlham Əliyev MDB Dövlət Başçıları Şurasının məhdud tərkibdə iclasında iştirak edib