Bakının Sabunçu rayonunda iki nəfərin həyatını itirməsi ilə nəticələnən ağır yol-nəqliyyat hadisəsi baş verib. Bilgəh qəsəbəsində yüksək sürətlə hərəkət edən avtomobilin aşması nəticəsində iki sərnişin hadisə yerində ölüb.

Far.Az xəbər verir ki, bu barədə Baş Dövlət Yol Polisi İdarəsi məlumat yayıb.

Bildirilib ki, oktyabrın 14-də saat 01:35 radələrində Bakı şəhər sakini Əsgər Zərbəliyevin idarə etdiyi "Volkswagen" markalı, 77-XS-274 dövlət qeydiyyat nişanlı avtomobil Bilgəh qəsəbəsi ərazisində hərəkətdə olarkən idarəetmədən çıxaraq aşıb.

İlkin məlumata görə, qəzanın baş verməsinə yüksək sürət və sürücünün sükan arxasında sərxoş vəziyyətdə olması səbəb olub.

Hadisə zamanı avtomobildə olan sərnişinlər – paytaxt sakini Kamran Əliyev və Qax rayon sakini Təbriz Əliyev aldıqları xəsarətlərdən hadisə yerində həyatlarını itiriblər.

Faktla bağlı cinayət işi başlanılıb, hadisənin səbəbləri araşdırılır.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Prezident İlham Əliyev Əfv Sərəncamı imzalayıb

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Silahlı Qüvvələrin bir qrup hərbi qulluqçu təltif edilib