Əlcəzairin xarici işlər naziri Əhməd Attaf və ABŞ dövlət katibi Antoni Blinken arasında telefon danışığı olub.

"Far.Az"un məlumatına görə, bu barədə Şimali Afrika ölkəsinin Xarici İşlər Nazirliyinin rəsmi xəbərində deyilir.

Tərəflər iki ölkə arasında iqtisadi əlaqələrin gücləndirilməsi və strateji dialoqun intensivləşdirilməsi istiqamətində əldə olunan nəticələri alqışlayıblar. Onlar dinamikanın gələcəkdə də qorunub saxlanılacağına və istifadə ediləcəyinə ümid etdiklərini bildiriblər.

Attaf və Blinken həmçinin BMT Təhlükəsizlik Şurasının gündəliyində duran məsələlər, xüsusilə Qəzza zolağında vəziyyətin inkişafı, Qərbi Sahara ətrafındakı problem və Haitidə BMT-nin sülhməramlı əməliyyatının yaradılması layihəsi ətrafında fikir mübadiləsi aparıblar.

Dövlət katibi sentyabrda keçirilən seçkilərdən sonra ikinci müddətə seçilən Əlcəzair dövlətinin başçısı Əbdülməcid Tebbunu ABŞ Prezidenti Cozef Baydenin adından bir daha təbrik edib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Niger Trans-Sahara qaz kəmərinin imkanlarını qiymətləndirib

Bakıda COP29-un Liderlər Sammitinin açılış mərasimi keçirilib - YENİLƏNİB-2

Parlamentdə yaradılan Təşəbbüs Qrupu - tapdanan hüquqların bərpası mübarizəsi