"ADY-nin əsas fəaliyyət istiqamətlərindən biri ölkədaxili sərnişindaşıma coğrafiyasının genişləndirilməsi, regionların dəmir yolu nəqliyyatı ilə əlçatanlığının artırılması və mövcud infrastrukturun modernləşdirilməsidir".

Bu barədə BAKU.WS-in sorğusuna cavab olaraq "Azərbaycan Dəmir Yolları" QSC-dən (ADY) bildirilib.

Qurumdan qeyd edilib ki, son illərdə bu istiqamətdə mühüm layihələr həyata keçirilib. Bakı–Gəncə, Bakı–Ağstafa, Bakı–Qazax, Bakı–Qəbələ, Bakı–Balakən və Gəncə–Qəbələ istiqamətlərində sərnişin daşımaları təşkil olunub:

"Xüsusilə 2025-ci ildə Bakı–Ağdam–Bakı marşrutu üzrə sərnişin daşımalarının başlanması ilə Qarabağ bölgəsinin ölkənin dəmir yolu sərnişindaşıma şəbəkəsinə inteqrasiyası istiqamətində mühüm addım atılıb. Həmçinin Ucar, Ləki, Kürdəmir və Qazax stansiyalarının sərnişinlərin istifadəsinə verilməsi xidmət coğrafiyasının genişləndirilməsi tədbirlərindəndir.

Ağdam–Xankəndi dəmir yolu xəttində yenidənqurma işləri başa çatdırıldıqdan sonra Bakı–Xankəndi–Bakı marşrutu ilə sərnişinlərə xidmət göstəriləcək.

Şimal və cənub istiqamətlərində tikinti işləri başa yekunlaşdıqdan sonra həmin istiqamətlərə sərnişin daşımaları bərpa olunmacaq.

Eyni zamanda, Zəngəzur dəhlizinin reallaşması Bakı–Naxçıvan–Bakı marşrutu üzrə qatarların hərəkətinin bərpasına imkan verəcək".

Orxan Hüseyn

Oxşar xəbərlər

Prezident İlham Əliyev Xankəndi şəhərində Zəfər parkının açılışında iştirak edib

Prezident Naxçıvanda elektrik mühərrikli yeni avtobuslara baxıb, dəmir yolu infrastrukturunda aparılan yenidənqurma işləri ilə tanış olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Ucuz qiymətə bazarlıq etmək istəyənlər üçün SEVİNDİRİCİ XƏBƏR