M-1 Bakı–Quba–Rusiya Federasiyası dövlət sərhədi avtomobil yolunun 77-ci kilometrliyində, Xızı rayonunun Giləzi kəndi ərazisində yolun ayırıcı hissəsində nəqliyyat vasitələrinin qarşı hərəkət zolağına keçməsinin qarşısını almaq məqsədilə quraşdırılmış 2 ədəd beton baryerin qanunsuz olaraq yerinin dəyişdirildiyi aşkar edilib.

Bu barədə Far.Az-in sorğusuna cavab olaraq AAYDA-nın mətbuat xidmətindən məlumat verilib.

Bildirilib ki, sözügedən beton baryerlərin əməkdaşlarımız tərəfindən əvvəlki yerinə bərpası qısa müddət ərzində təmin olunub.

"Qeyd edək ki, belə halların gələcəkdə təkrarlanacağı təqdirdə, qanunvericiliyə uyğun müvafiq tədbirlərin görülməsi üçün Azərbaycan Avtomobil Yolları Dövlət Agentliyi tərəfindən aidiyyəti hüquq-mühafizə orqanlarına müraciət ediləcəkdir", - deyə məlumatda vurğulanıb.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Horadiz–Cəbrayıl–Zəngilan–Ağbənd yolunun tikintisi 95 % icra olunub

Bakıda "Xızı-Abşeron" Külək Elektrik Stansiyasının rəsmi açılış mərasimi keçirilib

Pirşağı–Novxanı–Xırdalan–M4 avtomobil yolunun tikintisi layihəsinin 51 %-i icra edilib