Hesablama Palatasında növbəti Kollegiya iclası keçirilib, işsizlikdən sığorta fondunun gəlirlərinin və xərclərinin auditi müzakirə olunub.

Bu barədə "Far.Az"a Hesablama Palatasından məlumat verilib.

Kollegiya iclasında auditor Vəfa Mütəllimova tərəfindən təqdim edilən "İşsizlikdən sığorta fondunun gəlirlərinin və xərclərinin (işsizlikdən sığorta ödənişləri və özünüməşğulluq tədbirlərinin təşkili üzrə xərclər istisna olmaqla) auditinin nəticələrinə dair Auditor hesabatı" müzakirə olunub. Müzakirələrin yekununda auditor hesabatının təsdiq edilməsi, həmçinin aşkar olunmuş nöqsanların aradan qaldırılması məqsədilə audit olunan qurum tərəfindən zəruri tədbirlərin görülməsinə dair qərar qəbul olunub.

Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin sədri Hasil Abbasov və agentliyin struktur bölmə rəhbərləri auditin nəticələrinin aidiyyəti sahədə fəaliyyətin təkmilləşdirilməsinə töhfə verəcəyini vurğulayaraq, irəli sürülən təklif və tövsiyələrin nəzərə alınacağını qeyd ediblər.

Sonra iclasda "İşsizlikdən sığorta fondunun 2027-ci il büdcəsi layihəsinə Azərbaycan Respublikası Hesablama Palatasının Rəyi" müzakirə olunub.

Kollegiya üzvləri Rəydə əhatə olunan əsas məsələləri, aparılmış təhlillərin nəticələrini və irəli sürülən tövsiyələri nəzərdən keçiriblər. Müzakirələrin nəticəsində Rəyin təsdiqlənərək Azərbaycan Respublikası Milli Məclisinə göndərilməsi barədə qərar qəbul edilib.

Oxşar xəbərlər

Azərbaycanda auditin yeni missiyası: Etimad yaradan strateji tərəfdaşlıq modeli - ARAŞDIRMA

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

AMEA-nın Rəyasət Heyətinin "gərgin" iclası

İMZA Sosial İnkişafa Dəstək İB-nin İdarə Heyətinin iclası keçirilib