Rusiya Futbol İttifaqının (RFİ) baş katibi Maksim Mitrofanov Bakıya gəlib. Oktyabrın 31-də paytaxtda başa çatacaq yeniyetmələr arasında dünya çempionatı və FİFA-nın 2026-cı il futbol festivalı çərçivəsində qurumun prezidenti Canni İnfantinonun da Bakıya səfəri gözlənilir.

BAKU.WS Rusiya mətbuata istinadən xəbər verir ki, bu səfər zamanı RFİ və FİFA rəhbərliyinin görüş keçirəcəyi ehtimal olunur.

Tərəflərin müzakirə edəcəyi əsas məsələlərdən birinin Rusiya milli və klub komandalarının beynəlxalq futbol yarışlarına qayıtması perspektivləri olacağı bildirilir.

Qeyd edək ki, Rusiyanın futbola qayıdışı ilə bağlı xokkeydəki ssenarinin təkrarlanmasının hələlik real görünmədiyi bildirilir. Xokkeydə Rusiyanın beynəlxalq yarışlardan kənarlaşdırılması mütəmadi olaraq uzadıldığı halda, futbolda İdman Arbitraj Məhkəməsinin (CAS) bu ölkə ilə bağlı müddətsiz qərarı mövcuddur.

Xatırladaq ki, bundan əvvəl Rusiya milli xokkey komandasının 2022-ci ildən sonra ilk dəfə beynəlxalq yarışlarda iştirakına icazə verildiyi açıqlanmışdı.

Oxşar xəbərlər

Prezident İlham Əliyev Əfv Sərəncamı imzalayıb

Bakı bulvarında Çay Festivalı keçirilir

Şuşada "Xarıbülbül" IX Beynəlxalq Musiqi Festivalı keçirilir

Cəbrayılın Horovlu kəndində Novruz festivalı keçirilib

Bakıda "Force of Love" 2026 yay festivalı keçirilib