Mərakeşin Aqadir şəhərində Böyük Britaniyadan olan ər-arvadın qazdan zəhərlənmə ehtimalı ilə mehmanxanada həyatını itirdiyi bildirilib.

"Report" "Maghreb Times"a istinadən xəbər verir ki, iki turistin meyiti hotel nömrələrinin birində aşkarlanıb.

Nəşrin mənbəyinin məlumatına görə, eyni mehmanxanada qalan daha iki Fransa vətəndaşı ciddi şəkildə zəhərlənib və xəstəxanaya yerləşdirilib.

İlkin məlumatlara görə, britaniyalıların ölümünə və fransız turistlərin zəhərlənməsinə mehmanxana nömrələrindəki qaz sızması səbəb ola bilər.

Hadisənin dəqiq səbəbi müəyyənləşdirilir. Məhkəmə-tibbi ekspertizasının və zərərçəkənlərin müayinəsinin nəticələrinin qazın növünü və onun sızma mənbəyini müəyyən etməyə imkan verəcəyi gözlənilir.

Aqadirin hüquq-mühafizə orqanları prokurorluğun nəzarəti altında araşdırmanı davam etdirir.

Oxşar xəbərlər

Prezident İlham Əliyev Əfv Sərəncamı imzalayıb

Turistlərin sevimli şəhərinə çevrilmiş paytaxt Bakı

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

The Central Point Hotel - Bakının mərkəzində istirahət və iş üçün ideal ünvan

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3