Səudiyyə Ərəbistanı Krallığı qurbanlıq ətin paylanması proqramı çərçivəsində Azərbaycan Əmək və Əhalinin Sosial Müdafiəsi Nazirliyinə 46,5 ton qurbanlıq ət verib.

BAKU.WS report-a istinadən xəbər verir ki, bu barədə jurnalistlərə Səudiyyə Ərəbistanının Azərbaycandakı səfiri İssam bin Saleh əl-Cüteyli bildirib.

Onun sözlərinə görə, sosial yardımın göstərilməsinə görə cavabdeh olan nazirlik ən çox ehtiyacı olan vətəndaşların siyahılarına malikdir ki, bu da yardımın ünvanlı şəkildə paylanmasını təmin etməyə imkan verəcək.

"Bu təşəbbüs Səudiyyə Ərəbistanı Krallığı ilə bütün İslam ölkələri, o cümlədən Azərbaycan arasında sıx sosial əlaqələri təsdiqləyir və bütün dünyada İslam qardaşlığı hissini gücləndirir", - səfir qeyd edib.

İssam bin Saleh əl-Cüteyli vurğulayıb ki, proqram Krallıq rəhbərliyinin bütün İslam dünyası müsəlmanlarını dəstəkləmək istəyini əks etdirir.

Səfir əməkdaşlığa və proqramın həyata keçirilməsində göstərdiyi dəstəyə görə Azərbaycan tərəfinə minnətdarlığını bildirib.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Nazirlik sel təhlükəsi zamanı qorunmağın yollarını göstərdi

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Vilayət Eyvazov polislərə vətəndaşların şikayətlərinin obyektiv və həssaslıqla araşdırılmasını tapşırıb

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib