"ABŞ-də keçirilən aralıq seçki rəsmi Vaşinqtonun Tehrana qarşı siyasi kursunda heç bir dəyişikliyə səbəb olmayacaq".

Far.Az Oxu.Az-a istinadən xəbər verir ki, bunu İranın ali lideri Müctəba Xamenei bəyan edib.

Məlumata görə, o, ABŞ-ni İslam Respublikasına qarşı mümkün yeni hərbi hücum cəhdinə daha genişmiqyaslı cavab veriləcəyi barədə də xəbərdar edib.

Xameneinin fikrincə, ABŞ-də siyasi qüvvələrin dəyişməsi və ya İranın güzəştlərə getməsi hesabına iki ölkə arasında münasibətlərin yaxşılaşacağına ümid bəsləmək yanlış yanaşmadır. O bildirib ki, Vaşinqtonun İrana qarşı mövcud siyasəti ABŞ-də hansı siyasi partiyanın hakimiyyətdə olmasından asılı olmayaraq dəyişməyəcək.

Məlumata əsasən, İranın ali lideri Hörmüz boğazı ətrafında yaranmış vəziyyətə də toxunub. Onun sözlərinə görə, son hadisələr ABŞ Silahlı Qüvvələrinin məğlubedilməz olmadığını, həmçinin xarici hərbi dəstəyə arxalanan ölkələrin daim həssas vəziyyətdə qaldığını nümayiş etdirib.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib