Kambocanın Kandal əyalətində baş vermiş yol-nəqliyyat hadisəsi nəticəsində BELTEI məktəbinin beş şagirdi ölüb, daha ikisi isə yaralanıb.

"Far.Az" xəbər verir ki, bu barədə yerli KİV məlumat yayıb.

İlkin məlumatlara görə, valideynlər tərəfindən icarəyə götürülmüş və 26 şagirdi daşıyan avtomobil gölə düşüb.

"BELTEI Group"un baş direktorunun müavini Li Bunçxay hadisə anında nəqliyyat vasitəsində 26 məktəblinin olduğunu təsdiqləyib.

İlkin məlumata görə, sürücü motosikletlə toqquşmaqdan yayınmağa çalışarkən sükanı qəfil döndərib, bundan sonra avtomobil nohura düşüb.

Beş məktəbli avtomobilin içində qapalı qalaraq həlak olub. Daha iki nəfər xəstəxanaya çatdırılıb, digər şagirdlər isə xəsarət almayıblar.

Qəzadan sonra sürücü hüquq-mühafizə orqanları tərəfindən saxlanılıb.

Oxşar xəbərlər

Nazir bu müəllimləri təltif edildi - ADLAR

İlham Əliyevin Kambocanın Baş naziri ilə geniş tərkibdə görüşü olub

Bakının mərkəzində sükanı bloklanan maşın ağaca çırpıldı - GÖRÜNTÜLƏR

SOCAR-ın Bakı Ali Neft Məktəbinin nəzdində fəaliyyət göstərən Rəqəmsal Biliklər Liseyinin rəsmi açılış mərasimi keçirilib

"Report" Media Məktəbinin 20-ci qrupu təlim proqramına qoşulub