Naxçıvan-Ordubad magistral yolunun Ordubad rayonunun Aşağı Əylis kəndi yaxınlığında baş verən ağır yol-nəqliyyat hadisəsində xəsarət alan şəxslərin vəziyyəti məlum olub.

"Far.Az"un yerli bürosu xəbər verir ki, qəza nəticəsində xəsarət alan 1994-cü il təvəllüdlü Əmrah İmamverdi oğlu Məmmədov reanimasiya şöbəsinə yerləşdirilib.

1990-cı il təvəllüdlü, Naxçıvan MR Ali Məclisinin deputatı Təbriz Eyvaz oğlu Zeynalovun müalicəsi isə nevrocərrahiyyə şöbəsində davam etdirilir.

Bildirilib ki, hər iki şəxsin vəziyyəti stabil orta-ağır qiymətləndirilir.

Faktla bağlı araşdırma aparılır.

03:29

Naxçıvan-Ordubad magistral yolunun Ordubad rayonunun Aşağı Əylis kəndi ərazisindən keçən hissəsində ağır yol-nəqliyyat hadisəsi baş verib, ölən və yaralananlar var.

"Far.Az"un yerli bürosu xəbər verir ki, "Hyundai" markalı avtomobilin aşması nəticəsində 1990-cı il təvəllüdlü Hüseynalıyev Hüseynalı həyatını itirib.

Qəza nəticəsində xəsarət alan 1994-cü il təvəllüdlü Məmmədov Əmrah İmamverdi oğlu və 1990-cı il təvəllüdlü Zeynalov Təbriz Eyvaz oğlu Naxçıvan Muxtar Respublika Xəstəxanasına yerləşdirilib.

Məlumata görə, qəzaya düşən hər üç şəxs Vətən müharibəsi iştirakçısıdır.

Qeyd edək ki, xəsarət alan Zeynalov Təbriz Eyvaz oğlu Naxçıvan Muxtar Respublikası (MR) Ali Məclisinin deputatıdır.

Hadisə yerinə polis əməkdaşları cəlb olunub. Faktla bağlı araşdırma aparılır.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Dövlət Komitəsinin sədri Ordubadda vətəndaşları qəbul edib

Nazir bu müəllimləri təltif edildi - ADLAR

Silahlı Qüvvələrin bir qrup hərbi qulluqçu təltif edilib

Bakıda yeni avtomobil yolunun tikintisi davam etdirilir