"Qara cümə" yaxınlaşır: "Mağaza qiyməti 200 manata qaldırır, sonra 50% endirim elan edir"
Far.Az xəbər saytı

"Qara cümə" yaxınlaşır: "Mağaza qiyməti 200 manata qaldırır, sonra 50% endirim elan edir"


"Bəzən gurultulu endirim kampaniyalarının arxasında süni şəkildə artırılmış qiymətlər və istehlakçıları çaşdıran reklamlar gizlənir".

Far.Az Oxu.az-a istinadən xəbər verir ki, bu sözləri vəkil Sona Səlimli-Ələsgərova deyib.

O, "Qara cümə" zamanı mağazalarda yaranan vəziyyəti belə izah edib:

"Bir məhsulun qiyməti 100 manat olub. Mağaza endirim kampaniyasından əvvəl qiyməti 200 manata qaldırır, daha sonra isə 50% endirim elan edir. Nəticədə siz həmin məhsulu yenə əvvəlki qiymətə - 100 manata alırsınız".

Vəkil qeyd edib ki, süni şəkildə endirim görüntüsünün yaradılması hüquq pozuntusu ola bilər:

"Azərbaycan Respublikasının "İstehlakçıların hüquqlarının müdafiəsi haqqında" Qanununun 13-cü maddəsinə əsasən, alıcının məhsul, o cümlədən onun qiyməti barədə düzgün məlumat almaq hüququ var. İstehlakçını çaşdıran reklam isə qanunvericiliyin pozulması hesab edilə bilər. Məhsulun qiymətini və reklamı əks etdirən ekran görüntülərini (skrinşotları) saxlayın, satıcıya iradınızı bildirin, zərurət yaranarsa, Antiinhisar və İstehlak Bazarına Nəzarət Dövlət Agentliyinə yazılı şikayət ünvanlayın".

Oxşar xəbərlər

"Sarsılmaz Tərəfdaşlıq-2025" birgə xüsusi təyinatlı qüvvələr təlimi sona çatıb
Milli Məclisin növbədənkənar sessiyasının son iclasında 26 məsələ müzakirə ediləcək - YENİLƏNİB
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Milli Məclisin növbəti iclasında 22 məsələ müzakirə olunacaq - YENİLƏNİB

Ən son xəbərləri bizim

"Facebook" səhifəmizdə izləyin

Digər xəbərlər