Azərbaycanda regional tədris mərkəzinin yaradılması Dünya Bankı ilə müzakirə edilib
Azərbaycan və Dünya Bankı arasında kənd təsərrüfatının dayanıqlı idarə olunması məsələləri müzakirə edilib.
"Far.Az" xəbər verir ki, bu barədə kənd təsərrüfatı naziri Məcnun Məmmədov "X" sosial şəbəkə hesabında paylaşım edib.
"ABŞ-a səfərimiz çərçivəsində Dünya Bankının Avropa və Mərkəzi Asiya regionu üzrə vitse-prezidenti Antonella Bassani ilə səmərəli görüş keçirdik. Görüş ərzində "Dayanıqlı və rəqabətqabiliyyətli kənd təsərrüfatının inkişafı və suvarma sistemlərinin modernləşdirilməsi" layihəsinin icra gedişatı, əldə edilmiş nəticələr və gələcək əməkdaşlığın əsas istiqamətləri barədə ətraflı fikir mübadiləsi aparıldı.
Müzakirələr zamanı torpaqların konsolidasiyası və dayanıqlı idarə edilməsi, fermer təsərrüfatlarının bazarlara çıxış imkanlarının artırılması, həmçinin ərzaq təhlükəsizliyinin təmin olunması sahələrində birgə fəaliyyətin inkişaf perspektivləri xüsusi vurğulandı. Bundan əlavə, Dünya Bankının köməkliyi ilə Azərbaycanda regional təlim mərkəzinin qurulması, fermerlərin və onların ailə üzvlərinin bilik və bacarıqlarının yüksəldilməsinə istiqamətlənmiş təşəbbüslərin reallaşdırılması gələcək tərəfdaşlığın perspektivli sahələri olaraq qiymətləndirildi. Əminik ki, Dünya Bankı ilə mövcud əməkdaşlığın daha da dərinləşdirilməsi Azərbaycanın aqrar sektorunun dayanıqlı inkişafına, fermerlərin rəqabət qabiliyyətinin gücləndirilməsinə əhəmiyyətli töhfə verəcək", - deyə nazir bildirib.
Oxşar xəbərlər
Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
Leyla Əliyeva, Arzu Əliyeva və Alena Əliyeva Lənkəranda fermer təsərrüfatı ilə tanış olublar
Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib
Azərbaycanda torpaqların konsolidasiyası üçün Türkiyə təcrübəsindən istifadə olunacaq
Ən son xəbərləri bizim
"Facebook" səhifəmizdə izləyin
Digər xəbərlər
-
Əraqçi: İran zənginləşdirilmiş uranı ölkədən çıxarmaq niyyətində deyil
-
ABŞ İranın 4 vətəndaşını sanksiya siyahısına salıb
-
Tramp Nvidia-nın keçmiş rəhbəri Censen Huanqa ikinci şans verməyə çağırıb
-
Alyona Əliyeva "Heydər Əliyev və Azərbaycan tarixi" X ümumrespublika bilik yarışından paylaşım edib
-
Fransa Senatı polisin silah tətbiqinə dair qanun layihəsini təsdiqləyib
-
İsrail ordusu ən yüksək döyüş hazırlığı vəziyyətinə gətirildi: Yeni hücum gözlənilir













