Tanınmış zərgər Paolo Bulqari 89 yaşında vəfat edib
Far.Az xəbər saytı

Tanınmış zərgər Paolo Bulqari 89 yaşında vəfat edib


"Bulgari" şirkətinin dünyanın aparıcı zərgərlik brendlərindən birinə çevrilməsində əsas rol oynamış italyan zərgər Paolo Bulqari 89 yaşında vəfat edib.

"Far.Az"un "La Repubblica" qəzetinə istinadən məlumatına görə, onun dəfn mərasimi noyabrın 23-də Romada keçiriləcək.

Markanın tarixi 1894-cü ildə İtaliyanın paytaxtında, Paolonun babası, yunan mühaciri Sotirio Bulqarinin ilk zərgərlik mağazasını açdığı zaman başlayıb. Sonralar onun varisləri ailə biznesini beynəlxalq səviyyəyə çıxarıblar. Ailə özü Paolonu "dövrümüzün böyük zərgəri" adlandırıb.

Brend ən böyük şöhrətini zinət əşyalarının kino ulduzları arasında populyarlaşdığı 1960-1970-ci illərdə qazanıb.

Şirkət Fransanın "LVMH" holdinqinin tərkibinə daxil olduğu 2011-ci ilə qədər ailə müəssisəsi olaraq qalıb. Bununla belə, "Bulgari" Roma ilə sıx əlaqələrini qoruyub saxlayır: bu yaxınlarda İmperator Avqust meydanında brend altında otel açılıb, şirkət isə orada yerləşən antik Avqust mavzoleyinin bərpasını maliyyələşdirib.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub
HONOR Azərbaycanda ikinci rəsmi mağazasını və ilk servis mərkəzini açdı
Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
Şəkinin turizm xəzinəsi: Tarixi abidələrdən sənətkarlığa qədər

Ən son xəbərləri bizim

"Facebook" səhifəmizdə izləyin

Digər xəbərlər