Avqustun 22-23-də respublikanın bəzi bölgələrində isti hava şəraitinin olması proqnoz edilir. İsti hava şəraitində isə bəzi ərazilərdə, əsasən də meşə ərazilərində yanğın olması ehtimalı artır.

"Far.Az"un məlumatına görə, bunu Milli Hidrometeorologiya Xidmətinin rəisi Nazim Mahmudov bildirib.

Xidmət rəisi bu səbəbdən vətəndaşları təbiətdə, xüsusən sıx meşə və ot örtüyü olan yerlərdə yanğın təhlükəsizlik qaydalarına əməl edilməsində diqqətli olmağa çağırıb.

N.Mahmudov xidmət tərəfindən respublika ərazisində yanğına həssas bölgələrin yanğın indeksinin mütəmadi olaraq hazırlandığını da açıqlayıb:

"Gəncə-Qazax bölgəsində Gəncə, Tovuz, Şəmkir, Tərtərdə yüksək, Ağstafa, Naftalan, Ağdamda isə çox yüksək, Quba-Xaçmaz bölgəsi üzrə Quba, Qusarda yüksək, Şabranda isə çox yüksək, Dağlıq Şirvan bölgəsində İsmayıllı, Qobustanda çox yüksək, Lənkəran-Astara bölgəsində Yardımlı, Astarada isə yüksək yanğın təhlükəsi müəyyən edilib".

Oxşar xəbərlər

Hidrometeorologiya Xidməti: Bəzi bölgələrdə isti havanın hökm sürəcəyi gözlənilir

Bu həftə milli parklarda gözlənilən hava şəraiti açıqlanıb

Sentyabr ayı üçün bürclərin PUL QOROSKOPU

Azərbaycan Sərhəd Mühafizəsinin yaranmasından 105 il ötür

Azad edilmiş ərazilərin bərpası: xarabalıqdan dirçəlişə doğru - Təhlil