İngiltərə Premyer Liqasının XVI turunda “Mançester Yunayted” səfərdə “Mançester Siti”yə 2:1 hesabı ilə qalib gəlib.

“Far.Az” xəbər verir ki, görüş "Etihad" stadionunda baş tutub.

Oyunda ilk qolu "Mançester Siti"nin heyətində 36-cı dəqiqədə Yoşko Qvardiol vurub. Amma meydan sahibləri hesabı sonadək qoruya bilməyiblər.

Belə ki, "Mançester Yunayted"dən Brunu Fernandeş 88-ci dəqiqədə penaltidən fərqlənib. Amad Diallo isə 90-cı dəqiqədə qələbə qolunu vurub.

“Mançester Yunayted” turnir cədvəlinin 12-ci pilləsində qərarlaşıb, Ruben Amorimin komandasının 22 xalı var. “Mançester Siti” 27 xalla beşincidir.

“Mançester Yunayted” dekabrın 22-də “Bornmut”u qəbul edəcək. “Mançester Siti” isə ayın 21-də səfərdə “Aston Villa” ilə qarşılaşacaq.

Xatırladaq ki, komandalar tarixdə 195 dəfə qarşılaşıblar. “Mançester Yunayted” 80-ci qələbəsini qazanıb, “Mançester Siti” 61 dəfə güclü olub, 54 matç heç-heçə ilə bitib.

Oxşar xəbərlər

“Mançester Yunayted” Mançester derbisində “Siti”ni iki dəqiqə ərzində iki qolla məğlub edib

Mançester derbisində qalib iki dəqiqə ərzində bəlli olub

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

UEFA Avropa Liqası: "Qarabağ" "Tottenhem"ə məğlub olub - YENİLƏNİB-8

İngiltərə Premyer Liqası: “Tottenhem” rəqibini darmadağın edib, MY və “Çelsi” "sülh"ə razılaşıb