Azərbaycan Basketbol Liqasının VIII turunda bu gün üç qarşılaşma keçiriləcək.

“Far.Az”un məlumatına görə, əvvəlcə A qrupunda “Sabah” “Abşeron”la üz-üzə gələcək.

“Sərhədçi” İdman Mərkəzində baş tutacaq görüşün start fiti saat 12:00-da səsləndiriləcək. Hazırda “Sabah” 13 xalla qrup lideridir. Beşinci pillədə olan “Neftçi”nin isə 10 xalı var.

Qrupun digər matçı “Naxçıvan”la “Sərhədçi” arasında oynanılacaq. 16:00-da başlayacaq bu görüş də “Sərhədçi” İdman Mərkəzində keçiriləcək. “Naxçıvan” 13 xalla ikinci yerdədir. Dördüncü pillədəki “Sərhədçi”nin 10 xalı var.

B qrupunda isə “Lənkəran” komandası “Quba”nı qəbul edəcək. Lənkəran Olimpiya İdman Kompleksində baş tutacaq görüşə 14:00-da start veriləcək. “Quba” qrupda üçüncü, “Lənkəran” isə sonuncu - 6-cı yerdədir. Hər iki komanda 9 xala malikdir.

Qeyd edək ki, VIII turun dünən A qrupunda keçirilən “Neftçi” - NTD görüşü "ağ-qaralar"ın 81:68 hesablı qələbəsi ilə yekunlaşıb. Tura sabah B qrupunda keçiriləcək “Gəncə” - “Ordu”, “Sumqayıt” - “Şəki” matçları ilə yekun vurulacaq.

Oxşar xəbərlər

Azərbaycan Basketbol Liqasında bu gün iki oyun keçiriləcək

Azərbaycan Basketbol Liqasında VII tura bu gün start veriləcək

Azərbaycan Basketbol Liqasında bu gün daha iki oyun keçiriləcək

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2