Azərbaycanın ərazi bütövlüyü və suverenliyi uğrunda şəhidlik zirvəsinə yüksələn Ağayev Ramil Mərdan oğlunun xatirəsinə həsr olunmuş anım mərasimi keçirilib.

Bu barədə “Far.Az”a Müdafiə Nazirliyindən bildirilib.

Nazirliyin nümayəndələri, şəhidin ailə üzvləri, yaxınları, döyüş yoldaşları, məktəblilər və digər qonaqların iştirak etdiyi mərasimdə xalqımızın Ümummilli Lideri Heydər Əliyevin, Azərbaycanın suverenliyi, müstəqilliyi və torpaqlarımızın azadlığı uğrunda şəhid olan Vətən övladlarının xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.

Çıxış edənlər Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun qazandığı parlaq qələbələrin tarixi əhəmiyyətindən, Vətən müharibəsində igid oğullarımızın nümayiş etdirdiyi igidlik və şücaət nümunələrindən danışıblar. Döyüş iştirakçıları R.Ağayev haqqında xatirələrini bölüşərək, onun müsbət keyfiyyətlərindən, örnək olacaq xüsusiyyətlərindən eləcə də döyüş zamanı qorxmazlığından bəhs ediblər.

Şəhidin ailə üzvləri və yaxınları onlara göstərilən diqqət və qayğıya, eləcə də şəhidlərimizin xatirəsinin hər zaman uca tutulduğuna görə Azərbaycan Respublikasının Prezidenti İlham Əliyevə və Müdafiə Nazirliyinin rəhbərliyinə minnətdarlıqlarını bildiriblər.

Anım mərasimində şəhidlərimizə həsr olunan şeirlər, Həzi Aslanov adına Ordu İdeoloji və Mədəniyyət Mərkəzinin yaradıcı heyəti tərəfindən vətənpərvərliyi və qəhrəmanlığı tərənnüm edən musiqilər səsləndirilib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Sərhəd Mühafizəsinin yaranmasından 105 il ötür

Marneulidə Vətən müharibəsi şəhidlərinin Anım Günü qeyd edilib

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Sankt-Peterburqda Ümummilli Lider Heydər Əliyevin xatirəsi anılıb