Əfqanıstanın şərqindəki Nanqarhar əyalətində polis maşınının partlaması nəticəsində 6 nəfər ölüb, 5 nəfər yaralanıb.

APA xəbər verir ki, bu haqda “Khaama Press” avqustun 22-də polisə istinadən məlumat yayıb.

Taliban polis idarəsinin nümayəndəsinin sözlərinə görə dini məktəbin azı 6 şagirdi öldürülüb. Daha bir tələbə və dörd Taliban üzvü yaralanıb.

Polis maşınının marşrutunda partlayış yerli vaxtla saat 12:30-da baş verib. Bu zaman tələbələr və onların müəllimləri təhsil məqsədi ilə Dara Nur bölgəsinə gediblər.

Qeyd olunur ki, ərazidə fəaliyyət göstərən qruplardan heç biri hadisəyə görə məsuliyyəti üzərinə götürməyib.

Eyni zamanda, agentlik son vaxtlar İŞİD yaraqlılarının tez-tez Taliban tərəfdarlarına qarşı hücumlar həyata keçirməyə başladığını, bununla da regionda vəziyyətin qeyri-sabitliyinə şərait yaratdığını diqqətə çatdırıb.

Oxşar xəbərlər

Allahverdi Əsədov: Qarabağ müharibəsindən çəkdiyim kasetlər məhv olmaq üzrədir, yiyə duran yoxdur - MÜSAHİBƏ

Azad edilmiş ərazilərin bərpası: xarabalıqdan dirçəlişə doğru - Təhlil

Bakıda Boneyra adasının müqəddəratının təyin edilməsi ilə bağlı konfrans keçirilib - FOTO

Hüseyn Abdullayevin məhkəməsi səhhəti ilə bağlı təxirə salınıb

Ali məktəblərə qəbulun nəticələri açıqlanıb