Bakıda “Gazelli Art House” qalereyasında Latviya səfirliyinin dəstəyi ilə rəssam Elnarə Nəsirlinin Azərbaycan və Latviyanın zəngin biomüxtəlifliyinə həsr olunmuş “Meşənin pıçıltısı - Səsin sehri” adlı sərgisi keçirilib.

“Far.Az” xəbər verir ki, ekspozisiyada Azərbaycan və Latviya meşələrindən toplanmış ağac yarpaqlarının xışıltısı nümayiş etdirilir.

Ekspozisiyanın yaradılmasında yerli bitki növlərinin səsləri əsasında yaradılmış musiqi də daxil olmaqla innovativ səs texnologiyalarından istifadə olunub.

"Bu ekspozisiyanın unikallığı ondan ibarətdir ki, siz Qarabağın qurudulmuş bitki və ağaclarının səslərini eşidəcəksiniz", - tədbirin kuratoru Səbinə Şıxlinskaya qeyd edib.

Səs ekspozisiyası ilə yanaşı, əvvəllər Bakıda COP29-da təqdim olunmuş gələcəyin ekoloji texnologiyasının konsepsiyası da nümayiş etdirilib.

"Konsepsiya ağacların məhv olduğu antiutopik gələcəyi təsvir edir. Bu gələcəkdə hər bir insan "karbon vergisi" ödəməli - oksigen istehlakı və CO2-nin udulması üçün kvotaya malik olmalı, həmçinin havanı təmizləyən cihaz almalı və ya yaratmalıdır", - E.Nəsirli bildirib.

Qeyd edək ki, ekspozisiya ilk dəfə noyabrın 7-də təqdim edilib. Sərgini COP29 konfransı çərçivəsində Latviyanın sabiq prezidenti Vayra Vike-Freyberqa, həmçinin Latviyanın kənd təsərrüfatı və iqlim nazirləri ziyarət ediblər.

Oxşar xəbərlər

Bakıda Latviya səfirliyinin dəstəyi ilə “Meşənin pıçıltısı - səsin sehri” adlı sərgi açılıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

“HONOR”, IFA 2024-də rekord qıran “HONOR Magic V3” ilə gələcəkdə yeni imkanlara qapı açır

Bakıda COP29-un Liderlər Sammitinin açılış mərasimi keçirilib - YENİLƏNİB-2

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2