Böyük Britaniya Hərbi Hava Qüvvələrinin (HHQ) sualtı qayıq əleyhinə və kəşfiyyat təyyarələri NATO-nun Baltik dənizində keçirdiyi “Baltic Sentry” (“Baltik keşikçi”) missiyasında iştirak edəcək.

“Far.Az” xəbər verir ki, bu barədə Böyük Britaniya parlamentinin İcmalar Palatasında çıxışı zamanı ölkənin müdafiə naziri Con Hili bildirib.

“Bu gün təsdiq edə bilərəm ki, Britaniya HHQ “P-8 Poseidon” sualtı qayıq əleyhinə və “RC-135W Rivet Joint” kəşfiyyat təyyarələrini Baltik dənizində sualtı infrastrukturun qorunması üçün nəzərdə tutulmuş NATO-nun “Baltic Sentry” missiyasına göndərəcək”, - Hili deyib.

Daha əvvəl NATO Baş katibi Mark Rutte alyansın Baltikyanı ölkələrinin Helsinkidə keçirilən sammitinin yekunlarına dair mətbuat konfransında “Baltic Sentry” missiyasının başladıldığını elan etmişdi. Əməliyyatda həmçinin alyans ölkələrindən olan freqatlar və dəniz patrul təyyarələri də iştirak edəcək. Missiya dekabrın 25-də Finlandiya və Estoniya arasında sualtı kabelin zədələnməsinə cavab olaraq başladılıb.

Oxşar xəbərlər

KİV: NATO-nun iki gəmisi Finlandiya körfəzinə yan alıb

Tusk: NATO-nun Baltik dənizində patrul əməliyyatı 90 gün davam edəcək

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2