Rəqəmsal İnkişaf və Nəqliyyat Nazirliyi yanında Kosmik Agentlik ("Azərkosmos") dəyəri 53 milyon ABŞ dolları olan “Azerspace-1” telekommunikasiya peykinin 2025-ci il üzrə orbitdə sığortalanması ilə bağlı elan etdiyi açıq tenderə yekun vurub.

"Far.Az" dövlət satınalmalarının vahid internet portalına istinadən xəbər verir ki, tenderin qalibi "Qala Sığorta" ASC-dir.

Qalib şirkətə 1,377 milyon manat ödəniləcək.

Qeyd edək ki, 2024-cü ildə dəyəri 66,5 milyon ABŞ dolları, 2023-cü ildə isə dəyəri 80 milyon ABŞ dolları olan “Azerspace-1” peykinin sığortalanması üçün “PAŞA Sığorta" ASC cəlb edilmişdir. Bu xidmətlərin göstərilməsinə görə sığorta şirkətinə müvafiq olaraq 1 milyon 436,5 min manat və 946,5 min manat ödənilib.

"Azerspace-1” 2013-cü ildə yerətrafı orbitə buraxılıb. Onun istismar müddəti 17 ildir. Peyk rəqəmsal teleradio yayımı və internetə giriş xidmətləri təqdim edə, çoxxidmətli VSAT şəbəkələri yarada, məlumatları ötürə və hökumət rabitəsini təmin edə bilər. Onun əhatə dairəsi çox sayda bölgəni – Şərqi, Orta və Qərbi Afrikanı, Avropanı və Orta Asiyanı əhatə edir.

Oxşar xəbərlər

“Azerspace-1” sığortaçı seçir

"Azərkosmos" “Azerspace-2” peyki üçün sığortaçı seçib

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

"Azərkosmos" Mozambikə kosmik bilik ixrac edib