Hindistanın Əhmədabad şəhərində konqolu iş adamı və onunla təmasda olan üç nəfər Ebola virusuna yoluxma şübhəsi ilə müxtəlif xəstəxanaların təcridxanalarına yerləşdirilib.

"Far.Az"un məlumatına görə, bu barədə Qucarat ştatının səhiyyə naziri Praful Pançeriya bildirib.

Onun sözlərinə görə, 37 yaşlı iş adamı təxminən beş-yeddi gün əvvəl Konqodan Mumbaya gəlib və daha sonra Vadodaraya gedib. Sonra onun qızdırması qalxıb və "Banker Hospital" xəstəxanasına yerləşdirilib.

Nazir əlavə edib ki, xəstə daha sonra Əhmədabaddakı dövlət xəstəxanasına köçürülüb və orada Ebola virusuna yoluxma şübhəsi ilə xəstələr üçün ixtisaslaşmış palataya yerləşdirilib. Onun vəziyyəti sabit qiymətləndirilir və narahatlıq doğurmur.

"Səfərdə onu müşayiət edən daha iki nəfər də ehtiyat tədbiri olaraq Əhmədabaddakı xəstəxananın təcridxanalarına yerləşdirilib. Onlarla təmasda olan daha bir şəxs isə təcrid olunub", - Panşeriya qeyd edib.

Qan nümunələri analiz üçün laboratoriyaya göndərilib. Bununla yanaşı, nazir hazırda Hindistanda və ya Qucarat ştatında təsdiqlənmiş Ebola virusu infeksiyası hallarının olmadığını vurğulayıb.

Oxşar xəbərlər

Xətai rayonunda imtiyazlı xəstələr üçün yeni aptek fəaliyyətə başlayıb

"Rövşənoğlu Agro" - "YARA" şirtkəti ilə birgə yerli fermerlər üçün ixtisaslaşmış seminar təşkil etdi

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN