Ermənistanın baş naziri Nikol Paşinyan Rusiyanın qaz, yanacaq və almaz tədarükünü dayandıracağı halda yaranacaq mümkün qiymət artımından narahat olmadıqlarını bildirib.

Far.Az xəbər verir ki, Paşinyan bu açıqlamanı Rusiyanın Ermənistanın Avropa İttifaqına inteqrasiya prosesi ilə bağlı xəbərdarlıqlarından sonra verib.

Baş nazir qeyd edib ki, qiymət artımı Ermənistan üçün ciddi problem yaratmayacaq:
"Ermənistanı yüksək qiymətlərlə qorxutmaq məntiqsizdir. Çünki bizim kifayət qədər vəsaitimiz olacaq ki, bu da bizə baha görünməsin".

Paşinyan həmçinin ölkəsinin "sülhün kəsişmə nöqtəsinə" çevrildiyini bildirib və Ermənistanın hərbi-sənaye sahəsində inkişaf etdiyini, hətta bəzi ölkələrə silah ixrac etdiyini vurğulayıb.

Rusiya tərəfi daha əvvəl bəyan etmişdi ki, Ermənistan Avropa İttifaqına inteqrasiya prosesini davam etdirərsə, 2013-cü ildə imzalanmış qaz, neft məhsulları və almaz tədarükü üzrə saziş ləğv edilə bilər.

Ermənistanın müvafiq qurumları isə bu məsələ ilə bağlı Rusiya tərəfdən göndərildiyi iddia edilən rəsmi məktubun onlara daxil olmadığını açıqlayıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib