Misir Qəzza zolağında atəşkəs razılaşmasının başlanğıcından bəri anklava 5 mindən çox humanitar yardım yüklü maşın göndərib.

“Far.Az” xəbər verir ki, bu barədə Misir Xarici İşlər Nazirliyinin İsrail Baş naziri Binyamin Netanyahunun bəyanatlarına cavab olaraq açıqlamasında deyilib.

“Misir Netanyahunun Amerika mediasına müsahibəsi zamanı istifadə etdiyi ritorikanı qəbul etmir, çünki belə bəyanatlar Misirin Qəzzaya kömək etmək üçün göstərdiyi bütün səyləri dəyərsizləşdirir. Atəşkəsin başlanğıcından bəri Misir tərəfindən anklava 5 min humanitar yük maşını daxil olub, yaralılar, xəstələr və ikili vətəndaşlığı olanlar üçün Qəzzadan çıxış xeyli asanlaşdırılıb”, – sənəddə qeyd olunub.

Misir XİN həmçinin “fələstinlilərin istər Misirə, istər İordaniyaya, istərsə də Səudiyyə Ərəbistanına köçürülməsinə dair hər hansı çağırışları rədd etdiyini və Qəzza zolağının sakinləri ilə həmrəy olduğunu” vurğulayıb.

Daha əvvəl İsrail hökumətinin başçısı “Fox News” telekanalına müsahibəsində Qahirəni anklavı tərk etmək istəyən Qəzza fələstinlilərini öz ərazisinə buraxmamaqda ittiham etmişdi.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Bakıda COP29-un Liderlər Sammitinin açılış mərasimi keçirilib - YENİLƏNİB-2

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2