Rusiyanın Primorsk diyarında ağacdaşıyan maşın və avtobusun iştirakı ilə baş vermiş yol-nəqliyyat hadisəsində 15 nəfər yaralanıb.

“Report” TASS-a istinadən xəbər verir ki, bu barədə regional Səhiyyə Nazirliyinin mətbuat xidməti məlumat yayıb.

“Qəza nəticəsində 15 nəfər Çuquyevski Mərkəzi Rayon Xəstəxanasına çatdırılıb. Hamısı həkimlər tərəfindən müayinə olunub. Dörd nəfər xəstəxanaya yerləşdirilib. 2022-ci il təvəllüdlü uşaq müayinə olunub, vəziyyəti qənaətbəxşdir. Bir nəfər ağır vəziyyətdə Arsenyev Şəhər Xəstəxanasına köçürülüb”, – mətbuat xidməti bildirib.

Əlavə olunub ki, tibb müəssisələrinə çatdırılan bütün sərnişinlərə tam həcmdə yardım göstərilib. Xəstəxanaya yerləşdirilməsinə ehtiyac olmayan xəstələr ambulator müalicəyə göndərilib.

Bölgə prokurorluğunun dəqiqləşdirilmiş məlumatına görə, ağacdaşıyan maşının dönmə zamanı boş qoşqusu sürüşərək Çuquyevka – Zavetnoye marşrutu ilə hərəkət edən avtobus ilə toqquşub.

Rayon prokurorluğu araşdırma aparır.

Oxşar xəbərlər

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Klassik avtomobillərin yürüşü və sərgisi keçirilib

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2