"Formula-1" üzrə Yaponiya Qran-prisində sıralanma turunun qalibi müəyyənləşib.

BAKU.WS Oxu.Az-a istinadən xəbər verir ki, əfsanəvi Suzuka avtodromunda baş tutan sessiyada ən yaxşı nəticəni "Red Bull"un niderlandlı pilotu Maks Ferstappen göstərib.

Bununla Maks gündoğan ölkədə ardıcıl 4-cü dəfə pouldan start almaq hüququ qazanıb. "Red Bull" bolidində çalışan "Honda"nın ev meydanında niderlandlı sürücü karyerasında 41-ci dəfə poul qazanıb - sonuncu dəfə Maks keçən il "Red Bull"un evində, Avstriyada pouldan start almışdı.

Maks həlledici dövrəsində həftəsonunun favoritləri hesab olunan "Maklaren" komandasının sürücülərini çox cüzi fərqlə üstələyib - Lando Norris liderə cəmi 0.012 saniyə, Oskar Piastri isə 0.044 saniyə uduzublar.

Qeyd edək ki, Yaponiya Qran-prisində əsas yarış sabah, Bakı vaxtı ilə saat 9:00-da start götürəcək.

Oxşar xəbərlər

"Formula 1": "McLaren" pilotu Bakıda qalib olub, yarışın sonunda qəza baş verib - YENİLƏNİB - 5

"Formula 1": Azərbaycan Qran-prisində maraqlı statistik göstəricilər qeydə alınıb

"Formula 1" üzrə Azərbaycan Qran-prisi: "McLaren" pilotu liderliyi ələ keçirib - YENİLƏNİB - 2

Ferstappen Qətər Qran-prisinin sıralama turundakı qələbəsindən məhrum edilib - YENİLƏNİB

"Formula 1": Azərbaycan Qran-prisinin qalibi bu gün bəlli olacaq