Bu gün Azərbaycan Dövlət Neft Şirkəti (SOCAR) 1 noyabr 2021-ci ildə daxili kapital bazarları üçün buraxdığı yeni istiqrazlara görə növbəti kupon ödənişini həyata keçirib.

BAKU.WS SOCAR-a istinadən xəbər verir ki, istiqraz sahiblərinin hesablarına 1 milyon 125 min ABŞ dolları köçürülüb və onların ümumi faiz gəlirləri 15,75 milyon dollara çatıb.

Bu məbləğ yekunda 22,5 milyon ABŞ dolları təşkil edəcək. Növbəti kupon ödənişi avqustun 1-də olacaq.

SOCAR istiqrazları 9 ilə yaxındır ki, "Bakı Fond Birjası" QSC-də nda ən çox ticarət olunan korporativ qiymətli kağızdır. İstiqrazların ümumi dəyəri 100 milyon ABŞ dollarıdır. Bunlar, illik gəlirliliyi 4,5 % təşkil edən, hər birinin nominal dəyəri 1 000 ABŞ dolları olan 100 min istiqrazdır.

Bu il martın 7-də isə SOCAR 200 milyon ABŞ dolları dəyərində "Yaşıl istiqraz"ları tədavülə buraxıb. İllik gəlirliliyi 6 % olan, hər birinin nominal dəyəri 1 000 ABŞ dolları olan 200 min istiqraza görə ilk kupon ödənişi iyunun 7-də baş tutacaq (Emissiya prospektinə əsasən, kupon ödənişi qeyri-iş gününə təsadüf edərsə, ödəniş növbəti ilk iş günü icra edilir).

SOCAR İstiqrazlarını 1 və 5 saylı "ASAN xidmət" mərkəzlərindəki SOCAR İstiqrazları köşklərindən, Azərbaycanda rəsmi fəaliyyət göstərən investisiya şirkətlərindən əldə etmək mümkündür.

Əlavə məlumat üçün *1999 çağrı nömrəsi ilə əlaqə saxlamaq və yaxud socaristiqraz.az, socarcapital.az veb-saytlarına müraciət etmək lazımdır.

Oxşar xəbərlər

SOCAR-ın "Yaşıl istiqraz"larının tədavülə buraxılması ilə bağlı tədbir keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

SOCAR-ın "Yaşıl istiqraz"larına abunə yazılışı başa çatıb

"Kapital Bank"ın dollar istiqrazlarına abunə yazılışı yekunlaşdı