Kolumbiyalı narkobaron Pablo Eskobar tarixin ən bədnam, qəddar və varlı cinayətkarlarından biri olaraq qalır. "Kokain kralı"nın həyatı və taleyi haqqında çoxlu filmlər və seriallar çəkilib. Eskobarın sərvətinin təxminən 30 milyard ABŞ dolları olduğu təxmin edilir. O, böyük miqdarda daşınmaz əmlaka sahib oldu, bahalı yaxtalarda istirahət etdi və şəxsi təyyarələrdə uçdu.

Far.Az xarici mətbuata istinadən xəbər verir ki, bu təyyarələrdən biri də "Boeing 727" olub. Təyyarə 1968-ci ildə "Japan Airlines" üçün istehsal edilib. 1980-ci ildə təyyarə şəxsi təyyarəyə çevrilib. "Boeing 727" 2012-ci ilə qədər uçmağa davam edib, sonra isə tərk edilib. 

Hava gəmisinin son səfəri İngiltərənin Bristol şəhərinə olub. Yerli iş adamı Conni Palmer onu mehmanxanaya çevirmək fikri ilə çıxış etməsəydi, təyyarə poliqonda toz yığınağına çevrilərdi.

"Boeing"in interyeri qoz ağacından hazırlanmış panellər, dəri oturacaqlar və qızıl vərəqlərlə tamamilə yenidən işlənib. Hazırda qonaqlar iki yataq otağından, cakuzidən və saunadan, həmçinin rahat tualet və duşlardan istifadə edə bilərlər. İnteryer orijinal və tam təchiz olunmuş pilot kabinəsini saxlayır.

Lakin buranın qiyməti heç də büdcəyə uyğun deyil. Məşhur narkobaronun təyyarəsində bir gecə keçirmək 1000 dollardan baha başa gəlir.

Qalereya

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Hava gəmilərinin və onların komponentlərinin uçuşa yararlılığının saxlanılması qaydası təsdiqlənib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib