Azərbaycanlı MMA döyüşçüsü Mirəli Hüseynov ABŞ-nin Kaliforniya ştatının Sakramento şəhərində keçirilən "Urijah Faber"s A1 Combat 27" görüşündə israilli rəqibinə Şimon Smotritskiyə qarşı döyüşdə qalib gəlib.

"Report"un ABŞ bürosu xəbər verir ki, M.Hüseynov texniki nokautla rəqibinə üstünlük əldə edib. ABŞ-də yaşayan həmyerlilərimiz M.Hüseynova yarışın keçirildiyi məkanda Azərbaycan bayraqları ilə dəstək olublar. Bu qələbə onun peşəkar MMA karyerasında 10-cu qələbəsi olub. M.Hüseynov hazırda 10-3-0 rekorduna malikdir.

Qeyd edək ki, M.Hüseynov ABŞ-də yerləşən "American Kickboxing Academy"də (AKA) məşq edir. O, güclü zərbələri və döyüşdəki aqressivliyi ilə tanınır. Bu qələbə ilə M.Hüseynov "A1 Combat" yarımorta çəki titulunu bir daha uğurla müdafiə edib və güclü zərbə potensialını təsdiqləyib.

M.Hüseynov vurğulayıb ki, hədəfi yaxın gələcəkdə UFC-də ("Ultimate Fighting Championship") iştirak etməkdir.

Oxşar xəbərlər

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2