Azərbaycanlı MMA döyüşçüsü Nazim Sadıxov UFC-nin Bakıda təşkil olunacaq turnirində braziliyalı idmançı Nikolas Motta ilə qarşılaşacaq.

Keçirdiyi son görüşdə İsmael Bonfimi məğlub edən Sadıxovun şansları müxtəlif MMA mütəxəssisləri tərəfindən fərqli qiymətləndirilir.

İdmanın bu növü üzrə menecer kimi fəaliyyət göstərən mütəxəssis Şiraslan Kərimov Baku TV-yə verdiyi açıqlamasında həmyerlimizin şanslarını dəyərləndirib.

"Nazim Sadıxov UFC-də heç vaxt məğlub olmayıb və ümid edirəm ki, heç vaxt da olmayacaq. Onun zərbələri çox güclüdür, inanıram ki, bu döyüşdə Nikolas Mottanı nokaut edərək qəfəsdən qalib kimi çıxacaq", - deyə o bildirib.

Qeyd edək ki, Nazim Sadıxov və Nikolas Motta qarşılaşmasının baş tutacağı "UFC Fight Night" iyunun 21-də "Baku Crystal Hall"da keçiriləcək.

Ətraflı Baku TV-nin videomaterialında:

Oxşar xəbərlər

UFC ilk dəfə Azərbaycanda!

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

UFC-də çıxış edən azərbaycanlı: "Azarkeşlərin döyüşlərimi səbirsizliklə gözləməsini istəyirəm"

Azərbaycanlı döyüşçü UFC turnirində növbəti qələbəsini qazanıb