Katolik kilsəsinin yeni rəhbəri Papa XIV Lev Vatikanda kardinalara etdiyi ilk müraciətində süni intellekti (Sİ) müasir dövrün əsas problemlərindən biri kimi qiymətləndirib. O, texnologiyaların insan ləyaqəti, ədalət və əməyin qorunması sahəsində yeni çağırışlar yaratdığını bildirib və süni intellektin inkişafını XIX əsrin sənaye inqilabı ilə müqayisə edib.

BAKU.WS ferra.ru-ya istinadən xəbər verir ki, əvvəllər ABŞ-dən olan kardinal Robert Prevo kimi tanınan Papa XIV Lev, öz ad seçimində Papa XIII Leva istinad etdiyini söyləyib. Qeyd edək ki, Papa XIII Lev 1891-ci ildə "Rerum Novarum" ensiklikasında fəhlə hüquqlarını müdafiə etmişdi. "Bu gün Kilsə süni intellekt və yeni sənaye inqilabına cavab olaraq sosial təlimini təqdim edir", – deyə çıxışı zamanı qeyd edib.

Papa, süni intellektin sürətli inkişafının iş yerlərinə və etik məsələlərə təhlükə yaratdığını vurğulayıb. Papa XIV Lev sələfi Fransisk kimi Kilsəni bu dəyişikliklərə ənənələrə və mənəvi prinsiplərə əsaslanaraq fəal şəkildə reaksiya verməyə çağırıb.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

"Rəqəmsallaşma və süni intellektin iş yerlərinə təsiri" mövzusunda konfrans keçirilib

Ermənistan-Azərbaycan münaqişəsinə münasibəti ilə seçildi, kilsədə inqilabi islahatlar apardı

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib