NKVD Çəmənzəminlinin otağında nə tapdı? - Yazıçıya və ailəsinə edilən zülmlər
Far.Az xəbər saytı

NKVD Çəmənzəminlinin otağında nə tapdı? - Yazıçıya və ailəsinə edilən zülmlər


Tarixin tozlu səhifələrində elə insanlar var ki, onların həyatına nəzər salanda xalqımızın müxtəlif dövrlərdə keçdiyi çətin proseslər daha aydın görünür. Belə şəxsiyyətlərdən biri də ömrü istiqlal arzusu ilə repressiya qaranlığı arasında qalan Yusif Vəzir Çəmənzəminlidir.

O, Ukraynada Müsavat Partiyasının Kiyev şöbəsinin sədri olur, 1919-cu ildə əvvəlcə Azərbaycan Xalq Cümhuriyyətinin Ukraynadakı, daha sonra İstanbuldakı səfiri təyin olunur. AXC-nin süqutu ilə diplomatik missiyası yarımçıq qalan Y.V.Çəmənzəminli ağır şəraitdə Parisdə yaşamağa məcbur olur.

O, Parisdəki çətin günlərdən sonra 1926-cı ildə Vətənə qayıdır. Lakin 1937-ci ilin repressiyaları ədibin həyatına ağır zərbə vurur, Özbəkistana köçsə də, 1940-cı ildə həbs edilir. Y.V.Çəmənzəminlinin nəvəsi Leyla Vəzirova ədibin yaşadığı çətinliklərdən bəhs edib.

"Onun qaldığı otaqda Daxili İşlər Xalq Komissarlığı (NKVD) tərəfindən axtarış keçirirlər. Bu zaman oradakı əşyalar siyahıya alınır. Təbii ki, həmin siyahıda əks-inqilabçıya uyğun heç nə tapılmır. Siyahıda həm də oğlan uşaqlarına məxsus 2 palto və 1 kukla yer alır", - deyə o bildirib.

Y.V.Çəmənzəminli Bakıya gətirildikdən sonra "xalq düşməni" kimi damğalanaraq 6 ay Keşlə həbsxanasında saxlanılır, daha sonra SSRİ-nin ucqar bölgələrindən biri olan Qorki (indiki Nijni Novqorod) vilayətinin "Suxobezvodnaya" stansiyasındakı düşərgəyə sürgün edilir. Orada ağır şəraitdə saxlanılan Y.V.Çəmənzəminli 1943-cü il yanvarın 3-də aclıqdan vəfat edir.

Ətraflı Baku TV-nin süjetində:

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev XII Qlobal Bakı Forumunun açılış mərasimində çıxış edib
Azərbaycanda 28 May – Müstəqillik Günü qeyd olunur

Ən son xəbərləri bizim

"Facebook" səhifəmizdə izləyin

Digər xəbərlər