Azərbaycanlı UFC döyüşçüsü Tofiq Musayev "UFC Fight Night: Hill vs Rountree Jr." çərçivəsində Qırğızıstandan olan rəqibi Myktybek Oralbay ilə döyüşünün niyə 74,8 kq çəki dərəcəsində baş tutacağını izah edib.

BAKU.WS Oxu.az-a istinadən xəbər verir ki, Tofiq Musayev döyüş barədə fikirlərini bölüşüb.

"Karyeram boyu heç vaxt çəkisalma prosesində problem yaşamamışam. Həmişə bu prosesə məsuliyyətlə yanaşmışam. Bu dəfə də hər şey plana uyğun gedirdi. Dünən axşam cəmi 900 qram salmalı idim. Amma UFC komandası bizimlə əlaqə saxladı və bildirdi ki, rəqib artıq çəkini salmağa davam edə bilmir. O, bütün gecəni həkimlərin nəzarətində olub. Gördüyünüz kimi, bu gün divizion limitindən 5 kiloqram artıq çəkidə idi. Onlar mənim fikrimi soruşdular, hətta döyüşü təxirə salmaq istədilər. Amma mən bu döyüşü qəbul etdim. Səhər yemək yedim, su içdim, ona görə də çəkim 73 kiloqramı keçdi.

Mən öz Vətənimdə döyüşürəm. Bu, ölkəm üçün tarixi bir turnirdir. Bu döyüşün təxirə salınmasına imkan verə bilməzdim, istər UFC-ni, istərsə də azarkeşləri yarı yolda qoya bilməzdim. Axı hamı bu döyüşü gözləyir. Qələbə qazanmaq üçün əlimdən gələni edəcəyəm", - deyə o bildirib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib