Tanınmış rusiyalı MMA ulduzu Həbib Nurməhəmmədov sosial şəbəkə hesabında paylaşım edib.

Far.Az report-a istinadən xəbər verir ki, 36 yaşlı sabiq çmpion Azərbaycanda görüşdüyü şəxslərlə fotolarını yayımlayıb.

Rusiyalı "Azərbaycan, çox sağ olun. Bu günlər heyrətamiz idi" yazıb.

Qeyd edək ki, Həbib Nurməhəmmədov Mütləq Döyüş Çempionatının (UFC) Bakıda təşkil edilmiş turnirində Taqir Ulanbekovun məşqçisi olub. Ulanbekov Maksum Azata (Qazaxıstan) qalib gəlib.

Turnirin əsas görüşündə ABŞ təmsilçiləri Camal Hill və Halil Rountri üz-üzə gəliblər. Yarım ağır çəkidə baş tutan qarşılaşma beş raund davam edib. H.Rountri yekunda qalib elan olunub.

Azərbaycan idmançılarından Nazim Sadıxov braziliyalı Nikolas Mottaya, Rafael Fiziyev Çilidən olan İqnasio Bahamondesə qalib gəlib. Tofiq Musayev isə Qırğızıstandan olan Mıktıbek Orolbai ilə dueldən məğlub ayrılıb.

Oxşar xəbərlər

UFC ilk dəfə Azərbaycanda!

Bakıda UFC turnirinə start verilib

Bu gün Bakıda ilk dəfə UFC turniri keçiriləcək

"UFC Baku Fight Night"da oktaqona çıxacaq idmançıların rəsmi çəkiölçmə mərasimi olub

Tofiq Musayev: "Daha güclü və inamlı geri dönəcəyəm"