Azərbaycanın üç yunan-Roma güləşçisi İtaliyanın Kaorle şəhərində keçirilən U20 Avropa çempionatında finala yüksəlib.

Far.Az Oxu.Az-a istinadən xəbər verir ki, ilk yarış günündə Turan Daşdəmirov (55 kq) gürcüstanlı Koba Karumidzeyə (4:4), ermənistanlı Levon Qazaryana (1:1) və ukraynalı Nazari Babinskiyə (3:1) qalib gələrək finala yüksəlib.

O, finalda rusiyalı İvan Solominlə qarşılaşacaq.

Tural Əhmədov (63 kq) italiyalı Emanuele Pollinoya (8:0), bolqarıstanlı Kristiyan Milenkova (4:0), macarıstanlı Bende Olaşa (3:1) və yunanıstanlı Marios Kapantaisə (11:1) qalib gələrək adını finala yazdırıb. Tural həlledici görüşdə rusiyalı İqor Punçenko ilə güləşəcək.

Davud Məmmədov (77 kq) moldovalı Konstantin Taskaya (11:0), türkiyəli Yusuf Tosuna (3:3) və ermənistanlı Samvel Terteryana (4:1) qalib gələrək finala vəsiqə qazanıb. Davud gürcüstanlı Anri Putkaradzeylə qızıl medal uğrunda mübarizə aparacaq.

Qeyd edək ki, finallar sabah keçiriləcək.

Oxşar xəbərlər

Azərbaycanın 6 güləşçisi Avropa çempionatının finalına yüksəlib

Avropa çempionatı: Azərbaycan güləşçiləri 3 medal qazandılar

Avropa çempionatı: Azərbaycanın 2 güləşçisi finala yüksəlib

Azərbaycanın iki güləşçisi Avropa çempionatında finala yüksəlib

Azərbaycan güləşçisi U-17 Avropa çempionatının finalına yüksəlib