"Kurtlar Vadisi Pusu" serialının məşhur aktyoru Şekip Taşpınar vəfat edib. 

Far.Az xəbər verir ki, o 56 yaşında dünyasını dəyişib. Bu barədə aktyorun meneceri Temmuz Karikutal məlumat yayıb. 

Aktyor 2023-cü ildə zəhərlənərək xəstəxanaya yerləşdirilmişdi. O süni tənəffüs aparatına qoşulmuşdu. 

Qeyd edək ki, Şekip Taşpınar "Kurtlar Vadisi Pusu" serialında Cevat Akarsu obrazı ilə məşhurlaşmışdı. Ekran işi 2009-cu ildə çəkilib. 

Aktyor "Beyaz Gelincik", "Behzat Ç. Bir Ankara Polisiyesi", "Karadayı", "Cesur Yürek", "Arka Sokaklar", "Teşkilat ve Yürek Çıkmazı" kimi layihələrdə də çəkilib. 

Məlumat üçün bildirək ki, Mehmet Şekip Taşpınar 10 fevral 1969-cu ildə Ankarada anadan olub. Hacettepe Universiteti Ankara Dövlət Konservatoriyasını bitirib. Teatra 1988-ci ildə Ankarada teatrda başlayıb. 1990-1994-cü illərdə Ankara Dövlət Konservatoriyasında təhsil alıb. 1995-1998-ci illərdə Ankara Dövlət Teatrında çalışıb. 1999-cu ildə Adana Dövlət Teatrına təyinat alıb.

2000-2003-cü illərdə Çukurova Universiteti Dövlət Konservatoriyasında aktyorluq, diksiya dərs deyib. 1988-ci ildən TRT və digər kanallarda səs aktyoru kimi də çalışıb. 

Oxşar xəbərlər

Prezident İlham Əliyev Əfv Sərəncamı imzalayıb

Rektor: Türkiyə-Azərbaycan Universitetindəki yeni nəsil təhsil sistemi interaktiv və ağıllı modeldir - MÜSAHİBƏ

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

2025-ci ilin ilk üç ayında sənət aləminin itirdiyi məşhurlar - SİYAHI

200 və aşağı bal toplayanlar bu ixtisaslarda oxuyur - SİYAHI