5 min manat ödəyərək avtomobil alan Qazax sakini Süleyman Bayramov dələduzluqla üzləşdiyini iddia edir.

Belə ki, o, Gəncə avtomobil bazarından Muraz İsayev adlı şəxsdən etibarnamə əsasında aldığı avtomobildən artıq 8 aydan çoxdur istifadə edə bilmir.

Səbəb isə avtomobilə verilmiş etibarnamənin cəmi 15 gün sonra ləğv edilməsidir. Onun iddiasına görə, avtomobilin texniki pasportda qeyd olunan sahibi Əsəd Fərəcəliyevdir. Muraz İsayevin isə həmin şəxsə borcu olub. Tərəflər arasındakı borc mübahisəsi nəticəsində etibarnaməyə xitam verilib.

"Mənim pulumu verməsə, etibarnamə verməyəcəyəm", - dedi. 8 aydır gözləyirəm ki, bir-birilərinə olan borclarını həll etsinlər. Amma problem aradan qalxmadı", - deyə Süleyman Bayramov Baku TV-yə söyləyib.

Şikayətçinin sözlərinə görə, bir müddət sonra polis şöbəsindən ona zəng edilərək avtomobilin oğurlanması ilə bağlı müraciət daxil olduğu və maşının mühafizə olunan duracağa yerləşdirilməsinin tələb edildiyi bildirilib.

S.Bayramov isə avtomobili pul ödəyərək aldığını sübut etmək üçün əlindəki video və səs yazılarını polisə təqdim etdiyini deyir. O, məsələ ilə bağlı Muraz İsayevin hərbi qulluqçu olduğunu əsas gətirərək Sumqayıt Hərbi Prokurorluğuna da şikayət edib.

Lakin müraciətinə cavab olaraq mübahisənin mülki xarakter daşıdığı və həlli üçün məhkəməyə müraciət edilməli olduğu bildirilib.

Oxşar xəbərlər

FHN təlim etmək istədi - Yanlış park edilən maşınlara görə yanğın avtomobilləri hərəkət edə bilmədi

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

"Fəvvarələr meydanı"nda TƏLİM - Yanğınsöndürən maşınlar sərbəst hərəkət edə bilmədi

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3