Baku TV-nin "Retro Baku" verilişinin yeni buraxılışı aktyor Azər Baxşəliyevə həsr olunub.

Verilişdə onun dostları və həyat yoldaşı aktyorla bağlı xatirələrini bölüşüblər.

"Azərlə heç vaxt münasibət qurmaq istəmirdim. Düşünürdüm ki, onunla dostlaşmaq qəliz olar. Lakin Azərin daxili gözəlliyini, insani keyfiyyətlərini görəndən sonra fikrim 180 dərəcə dəyişdi. Xəstə olanda biz ona ürək-dirək verməkdən Azər bizi sakitləşdirir, "düzələcək" deyirdi", - deyə A.Baxşəliyevin dostu, rejissor Rövşən Ağayev bildirib.

Aktyorun həyat yoldaşı Nigar Baxşəliyeva onun pozitiv insan olduğunu, çox yaxşı anlaşdıqlarını söyləyib.

"Daha öncə mənə xəstəliyindən bəhs etmişdi. Ailə qurandan 1 il yarım sonra özünü pis hiss etməyə başladı. Həkimə getdi, öyrəndik ki, vəziyyəti yaxşı deyil, böyrək köçürülməlidir. Anası da böyrəyini ona verdi. Ötən il doğum günümdə 30 yaşım tamam olurdu. Bu problemlərdən o qədər yorulmuşduq ki. Ona "30 yaşım çox fərqli keçəcək, həyatım tamam dəyişəcək" dedim. Həyatım dəyişdi, amma yenə də mənfi yönə", - deyə o əlavə edib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Fuad Poladovun qızı Xalq artistinin həyatını yarıda qoyan xəstəliyindən danışdı

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Sənubər İsgəndərli: Sənətdən başı çıxmadan rəy vermək divanda oturub Messiyə irad tutmağa bənzəyir - MÜSAHİBƏ