Atom Enerjisi üzrə Beynəlxalq Agentliyin (AEBA) baş direktoru Rafael Qrossi Tehrana qarşı texniki və hüquqi cəhətdən əsassız qətnamələrə əsaslanır.

"Far.Az" xəbər verir ki, bu barədə "Al Jazeera" İranın Vyanadakı (Avstriya) Daimi Nümayəndəliyinin bəyanatına istinadən məlumat yayıb.

İran tərəfi iddia edir ki, ABŞ və İsrailin İranın nüvə obyektlərinə endirdiyi zərbələr baza təhlükəsizlik şərtlərini dağıdıb və bu səbəbdən AEBA-nın müntəzəm yoxlamalarının aparılması qeyri-mümkün olub.

Nümayəndəlik yoxlamaların bərpası zamanı Tehranın təhlükəsizliklə bağlı narahatlıqlarının nəzərə alınmasının vacibliyini vurğulayıb.

"Normal şəraitdən kənar vəziyyətdə təminat tədbirlərinin adi qaydada tətbiqini bərpa etmək mümkün deyil", - bəyanatda bildirilib.

İran tərəfi AEBA-nın Rəhbərlər Şurasını diqqəti böhranın köklü səbəblərini aradan qaldırmağa cəmləməyə çağırıb.

Bəyanat AEBA-nın İranın nüvə proqramına nəzarət etmək üçün inspektorların obyektlərə girişinin bərpa olunmasına çağıran hesabatının yayılmasından sonra verilib.

Oxşar xəbərlər

Bişkekdə TDT ölkələri hökumət başçılarının iclası olub, Birgə Bəyanat qəbul edilib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

İlham Əliyevin sədrliyi ilə dağ-mədən və metallurgiya sənayesinin inkişafına dair Dövlət Proqramına dair müşavirə keçirilib

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

"Global Media Group" Media Akademiyasının təlim proqramına start verilib